Friday 8 February 2013

ပြည်ထောင်စုနေ.အမှတ်တရ

ပြည်ထောင်စုနေ.အမှတ်တရ ဗိုလ်ချုပ်အောင်ဆန်းကိုဇရပ်ထဲမှာ ဧည့်ခံခဲ့တဲ့ မိတ္ထီလာခရိုင်ဝန်(ပကာသန မကြိုက်တဲ့ဗိုလ်ချုပ်အောင် ဆန်း၊ခုခေတ်ခေါင်းဆောင်တွေနဲ. ဘာလို.ဒီလောက်တောင် ကွာနေရတာလဲ?)၁၉၄ရ ဖေဖော်ဝါရီ ၁၂ ရက်နေ.တွင် ပင်လုံစာချုပ် ချုပ်ဆိုပြီးနောက် ဗိုလ်ချုပ်အောင်ဆန်းသည်ရန်ကုန်သို.ပြန်လာပြီး ဧပြီလတွင်ကျင်းပမည့်တိုင်းပြု.ပြည်ပြု.
လွတ်တော်ရွေးကောက်ပွဲအတွက်မနားမနေ ကြိုးပမ်းဆောင်ရွက်ခဲ့ရာ ရလဒ်အဖြစ် ဖ-ဆ-ပ-လ အဖွဲ.ချုပ်မှ အမတ်အားလုံးနီးပါး အပြတ်အသတ်အနိုင်ရရှိခဲ့ပါသည်။ရွေးကောက်ပွဲများပြီးသည်နှင့်တပြိုင်နက် ဗိုလ်ချုပ်သည် အမျိုးသားညီလာခံကျင်းပကာ ဖွဲ.စည်းပုံအခြေခံဥပဒေပထမ မူကြမ်းရေးဆွဲရန်ပြင်ဆင်လေရာ ဘုရင်ခံ ဆာဟူးဘန်.ရန်.စ် ကအနားယူရန်အတင်းတိုက်တွန်းပြီး မေမြို.တွင်သွားရောက်အနားယူစေသည်။အနားယူပြီးရန်ကုန်အပြန်တွင်မိတ္ထီလာကို နံနက် ၁၀ နာရီလောက်တွင်ဖြတ်သွားမည့်အကြောင်း အထူးတလည်ဧည့်ခံကြိုဆိုဖို.မလိုကြောင်း၊ရိုးနိုင်သမျှရိုးအောင်စီစဉ်ထားစေလိုကြောင်း ဗိုလ်ချုပ်ကပြောထားကြောင်း မိတ္ထီလာ ခရိုင်ဝန်ဦးသန်းတင်အားအကြောင်းကြားထားလိုက်ပါသည်။ကျနော်တို.ကား မိတ္ထီလာအနီးသို.ရောက်သွားသောအခါ လမ်းဘေးဇရပ်တခုအနီးတွင် လူနှစ်ယောက်သွားလာလှုပ်ရှားနေသည်ကိုတွေ.ရပြီး တယောက်ကကျွန်တော်တို.ကားကိုရပ်ပေးဖို.အချက်ပြပါသည်။၎င်းရပ်ခိုင်းသူမှာခရိုင်ဝန်ဦးသန်းတင်ဖြစ်နေပြီး ဗိုလ်ချုပ်အားဇရပ်ထဲဝင်နားကာ ရေနွေးကြမ်းလေး ဘာလေးသောက်ဖို.ဖိတ်ခေါ်ပါသည်။ဇရပ်ထဲတွင် စားပွဲဝိုင်းသုံးလုံးခင်းထားပြီးစားပွဲပေါ်တွင်ရိုးရိုးဒန်လင်ပန်းပေါ်တွင် ရေနွေးခရား၊အကြမ်းပုဂံလုံး၊လက်ဖက်၊ဂျင်းသုပ်၊ထန်းလျက် ပန်းကန်များတင်ထားသည်ကိုတွေ.ရပါသည်။ဗိုလ်ချုပ်သည်မြန်မာဆန်ဆန်နှင့်ရိုးရိုးကလေးတည်ခင်းထားသည်ကိုတွေ.ရသဖြင့်နှစ်သက်သဘောကြပြီးပြုံးရွှင်လျက်ရှိရာ ဦးသန်းတင်အားအမှတ်အပြည့်ပေးလိုက်သကဲ့သို.ပင်ဖြစ်ပါတော့သည်။ဗိုလ်ချုပ်သည်လက်ဖက်နှင့်ဂျင်းသုပ်တို.ကိုအနည်းအကျဉ်းသုံးဆောင်ပြီးရေနွေးကြမ်းသောက်ရင်း ဦးသန်းတင်နှင့်စကားစမည်ပြောဆိုပါသည်။ထိုနောက်ကျေးဇူးတင်ကြောင်းပြောကာနှုတ်ဆက်ကာထွက်ခွာခဲ့ပါသည်။ဗိုလ်ချုပ်က ဦးသန်းတင်၏ဟန်ဆောင်မှုကင်းသောအစီအစဉ်ကိုနှစ်ခြိုက်ကြောင်းတွေ.ရသဖြင့်ကျနော်အလွန်ပင်အားရကျေနပ်ပါသည်။ မဟာသရေစည်သူ ဦးဖေခင်၏ ကိုယ်တွေ.ပင်လုံစာအုပ်မှ ဓါတ်ပုံထဲမှ နောက်တန်းယာဘက်ဒုတိယမြောက်လူမှာ ဦးဖေခင်ဖြစ်ပါသည်။

No comments:

Post a Comment